MASWALI

Maswali yanayoulizwa mara kwa mara.

Mali yako, mkononi mwako. Majibu ya haraka kwa kila unachotaka kujua kuhusu Pangisha.

Bei na Malipo

Huduma ya Pangisha ina gharama gani?

Bei inategemea idadi ya wapangaji wako. Ukiwa na wapangaji 1 hadi 10, unalipa Shilingi 120,000 kwa mwaka. Ukiwa na zaidi ya wapangaji 10, unalipa Shilingi 1,000 kwa kila mpangaji kwa mwezi.

Naweza kulipa kwa awamu?

Ndiyo. Unaweza kulipia kwa mkupuo wa miezi 6 au mwaka mzima (miezi 12) — chagua kinachokufaa.

Jinsi Mfumo Unavyofanya Kazi

Pangisha inafanya nini hasa?

Pangisha ni mfumo unaokusaidia kusimamia wapangaji wako wote mahali pamoja. Unaona mikataba yote, malipo, nani kalipa na nani hajalipa, na chumba kipi kina mpangaji au kipi kipo wazi — yote mtandaoni, bila daftari wala makaratasi.

Mfumo unawakumbushaje wapangaji kulipa kodi?

Mfumo hutuma ujumbe wa SMS kiotomatiki kuwakumbusha wapangaji kabla kodi haijaisha — siku 30 kabla, siku 7 kabla, na siku ya mwisho. Wewe mmiliki pia hupokea taarifa kila mkataba unapoelekea kuisha.

Je, Pangisha inakusanya kodi ya wapangaji?

Hapana. Pangisha haishiki wala kukusanya pesa za wapangaji. Kazi yake ni kutunza kumbukumbu na kutuma vikumbusho kwako na kwa wapangaji wako.

Wapangaji wangu hawana simu za kisasa (smartphone) — itakuwaje?

Hakuna tatizo. Mfumo hutuma SMS za kawaida zinazofika kwenye simu yoyote. Wapangaji hawahitaji simu za kisasa wala intaneti.

Matumizi ya Mfumo

Ni programu ya simu (app) au tovuti (website)?

Kwa sasa Pangisha inatumika kupitia tovuti (website) ukiwa na intaneti. Programu ya simu (app) inatengenezwa na itapatikana hivi karibuni.

Nani anayeingia kwenye akaunti? Naweza kumpa mtu mwingine aiendeshe?

Wewe mmiliki huingia kwa jina lako la mtumiaji na neno la siri. Ukipenda, unaweza kumpa mtu mwingine — kama meneja au mwanafamilia — ruhusa ya kuendesha akaunti kwa niaba yako.

Vyumba au nyumba zangu ziko maeneo tofauti — inawezekana?

Inawezekana kabisa. Tunasajili vyumba vyako vyote bila kujali vipo maeneo gani, na kila nyumba inaonekana peke yake ikiwa na vyumba vyake.

Naweza kuongeza vyumba au wapangaji baadaye?

Ndiyo, muda wowote. Vyumba vipya vinaongezwa kwenye akaunti yako ile ile, na unalipia tu kwa vile ulivyoongeza.

Je, taarifa zangu ziko salama?

Ndiyo. Usalama wa taarifa zako umezingatiwa kikamilifu na taarifa zako zinahifadhiwa kwa usalama.

Kuhusu Pangisha

Pangisha inahudumia nani?

Tunawahudumia wamiliki wa nyumba na majengo wanaopangisha — tukiwasaidia kusimamia wapangaji, mikataba na malipo.

Mnahudumia aina gani za majengo?

Aina zote — nyumba za kupanga, hosteli, maghala (goddown), vyumba single na double. Kila mpangaji huhesabika kama mmoja.

Mpo wapi? Mnahudumia mikoa gani?

Ofisi yetu kuu ipo Dar es Salaam, lakini tunahudumia wateja nchi nzima.

Nianzaje kutumia Pangisha?

Ni rahisi: tunakufungulia akaunti na kukuelekeza jinsi ya kuitumia. Unaweza pia kuomba demo ya bure kupitia Google Meet au Zoom kabla ya kuanza.

Bado una swali?

Jaribu mwenyewe, au tuandikie — tutakujibu haraka.

Jaribu Demo WhatsApp